Линктер

ЧУКУЛ КАБАР!
6-Декабрь, 2021 дүйшөмбү, Бишкек убактысы 12:28

Орусия: Ирандын Москвадагы элчиси ТИМге чакыртылды


Орусиялык журналист Юлия Юзик.

Тегеранда орус журналисти Юлия Юзиктин кармалышына байланыштуу Ирандын Москвадагы элчиси Тышкы иштер министрлигине «орус жаранынын укуктарын коргоо жана кырдаалдын чоо-жайын тактоо үчүн» чакыртылды. Ирандагы Орусиянын элчилиги журналисттин кармалышына байланышкан маселелер менен алек болуп жатканын билдирди.

"РИА Новости" агенттиги кабарлагандай, Ирандын тышкы иштер министрлигинин өкүлү Аббас Мусави Юзик «түшүндүрмө берүү үчүн» кармалганын жана жакын арада бошотуларын айткан. Ал кошумча маалымат берген эмес.

Мурдараак Юзиктин кызы «Фейсбуктагы» баракчасына 5-октябрда өтө турган сотто энесинин «тагдыры чечилерин» жазган.

Юзиктин мурунку күйөөсү, журналист Борис Войцеховский Юлия бир канча жыл мурун Тегеранда кабарчы болуп иштегенин, чакыруу менен жакында кайра барганын билдирди.

Войцеховский журналисти Ислам революциясынын сакчылар корпусунун кызматкерлери 3-октябрда конок үйүнөн кармап кетишкенин кошумчалады.

Юлия Юзик - жанкечти аялдардын тагдырын, Беслан трагедиясын баяндаган китептердин автору. 2016-жылы Мамлекеттик Думага депутаттыкка да ат салышкан.

Иран менен Орусия өнөктөш мамлекеттер болгондуктан, орусиялык журналисттин кармалышы адаттан тыш окуя катары мүнөздөлүүдө.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG