Линктер

ЧУКУЛ КАБАР!
28-Ноябрь, 2021 жекшемби, Бишкек убактысы 23:07

Электромобил өндүргүсү келгендерди салыктан бошотуу сунушталды


Иллюстрациялык сүрөт.

Кыргызстанда электромобил өндүрүүнү каалаган инвесторлорду салыктан толук бошотуу боюнча сунуш киргизилүүдө. Жогорку Кеңештин депутаты Абдывахап Нурбаев иштеп чыккан мыйзам долбоору коомдук талкууга коюлду.

Нурбаев белгилегендей, сырттан ташылып келген машинелердин 90% 10-15 жыл пайдаланууда болгон.

- Алар эски экологиялык стандарттар боюнча чыгарылган. Анын үстүнө «Кыргызстанда жеке пайдалануудагы автоунааларды техникалык текшерүүдөн милдеттүү түрдө өткөрүү» деген талап жоюлган, - дейт демилгечи депутат.

Эгер сунушталып жаткан демилге колдоо тапса сырттан ташылып келген жана Кыргызстанда өндүрүлө турган электромобилдерге, кубат берүүчү станцияларга жана алардын тетиктерине салык жактан жеңилдиктер берилиши зарыл болот.

- Бул жарандарыбызга электромобил сатып алууга стимул болуп, атмосферанын булганышын азайтат, - дейт Нурбаев.

АКШнын Кыргызстандагы элчилиги орноткон «Airnow» жабдуусунун маалыматы боюнча, өткөн ишемби күнү, 16-ноябрда Бишкек шаары дүйнөдөгү абасы эң булганыч шаардын бири болду. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG