Бишкекте 25-ноябрдагы тынчтык митингине 400дөн ашуун адам чыкканын, мыйзам бузулбаганын шаардык ички иштер башкармалыгынын басма сөз кызматы билдирди.
Уюштуруучулар эки минден көп киши келгенин маалымдашкан. Иш-чарага байкоо жүргүзгөн «Кылым шамы» укук коргоо уюму акцияда 2200 адам болгонун жарыялаган.
Factcheck.kg басылмасы болсо заманбап технологиянын жардамы менен кишилердин санын аныктап, 1251 адам чыкканын жазды.
Бишкектеги Ала-Тоо аянтында жарандык активисттер коррупцияга каршы «#REакция» деп аталган митинг уюштурушкан.
Бир сааттан ашык убакытка созулган иш-чаранын катышуучулары бийликтен коррупция менен күрөшүүнү, жемкорлорду камоону талап кылышты. (SE)
