Линктер

ЧУКУЛ КАБАР!
14-Май, 2021 жума, Бишкек убактысы 23:31

Кыргызстанда эки айда 1400гө жакын мас айдоочу кармалды


Иллюстрациялык сүрөт.

Кыргызстанда 1-январдан 27-февралга чейин 91 миң 80 жол эрежесин бузуу катталды. Бул тууралуу Жол кыймыл коопсуздугун камсыздоо башкы башкармалыгы кабарлады.

Мекеменин маалыматына караганда, жол эрежелерин бузганы үчүн 4680 айдоочунун автоунаасы айып токтотмого коюлган. Арасында 1392си мас болуп машине айдагандар. 124ү салынган айыппулду убагында төлөгөн эмес.

Андан тышкары 602 айдоочу автоунаасынын терезесин караңгылатканы, 826сы жөө жүргүнчүнү өткөрбөй койгону үчүн жана 36 миң 632 айдоочу машинени катуу ылдамдыкта айдаганы үчүн айыпка жыгылган.

Административдик кодекске ылайык, Кыргызстанда мас айдоочуларга 17 500 сом айып салынат. Жогорку Кеңеште ичкилик ичип рулга отурган айдоочуларга салынчу айыппулду 50 миңден 100 миң сомго чейин көтөрүү, айдоочулук күбөлүктөн ажыратуу сунуштары айтылып келет. (BTo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG