Бишкекте батирлерге жана мекемелерге борбордук системадан жылуулук кайрадан бериле баштады. Жылуулук берүү сезону күн жылыганына байланыштуу 19-мартта токтотулган болчу.
«Электр станциялары» ишканасынын маалыматына караганда, жылуулук Бишкек мэриясынын буйругу чыкканча берилип турат.
23-мартта Өзгөчө кырдаалдар министрлиги шашылыш билдирүү таратып, 25-27-мартта Кыргызстандын аймагында аба ырайы туруксуз болорун эскерткен.