Линктер

ЧУКУЛ КАБАР!
5-декабрь, 2020 ишемби, Бишкек убактысы 05:21

Британ өкмөт башчысы Борис Жонсон ооруканадан чыкты


Борис Жонсон.

Британиянын премьер-министри Борис Жонсон ооруканадан жекшемби күнү чыкты. Бул тууралуу «SkyNews» басылмасы өкмөт башчынын өкүлүнө шилтеме берип жазды. Маалымат боюнча Жонсон дарыгерлердин чечимине ылайык азырынча жумушуна кайта албайт.

«Би-би-си» Британиянын премьер-министри өзүнүн Чеккерс резиденциясында болорун кабарлады.

Британ өкмөт башчысы коронавирус жугузуп алганы 27-мартта белгилүү болгон. 6-апрелде ал Лондондогу «Сент Томас» ооруканасына жаткырылып, эртеси күнү реанимацияга которулуп, дем алдыруучу аппаратты да колдоно баштаган. 9-апрелде реанимация бөлүмүнөн кайра кадимки палатага которулган.

Борис Жонсон 55 жашта. 2019-жылдын 24-июлунан тартып Британиянын өкмөтүн жетектөөдө. Ага чейин Падышалыктын тышкы иштер министри, Лондондун мэри болуп иштеген.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG