Линктер

ЧУКУЛ КАБАР!
3-декабрь, 2020 бейшемби, Бишкек убактысы 10:33

Быйылкы «Акыркы коңгуроо» онлайн өтөт


«Акыркы коңгуроо». Архивдик сүрөт.

Кыргызстанда быйыл мектеп бүтүрүүчүлөрү үчүн «Акыркы коңгуроо» салтанаты онлайн форматта өткөрүлөт. Бул тууралуу 15-майда билим берүү жана илим министринин орун басары Надира Жусупбекова билдирди.

Анын айтымында, мындай чечим коронавирустун жайылышын алдын алуу максатында кабыл алынды.

«Белгилүү инсандарга, ата-энелерге, мектеп директорлоруна кайрылып, онлайн форматта жакшы куттуктоо, каалоо-тилек айтып, бүтүрүүчүлөрдүн көңүлүн көтөрүп, кеңештерибизди берели деп жатабыз. Баарыбыз эле түшүнүп жатабыз, мындай кырдаалда эң биринчи орунда балдарыбыздын коопсуздугу жана ден соолугу турат», - деди ал.

Ошону менен катар Жусупбекова журналисттерге, белгилүү инсандарга, өнөр адамдарына жана ата-энелерге кайрылып, КТРК каналындагы «Мен бүтүрүүчүмүн» долбооруна катышууга чакырды.

Мектептеги быйылкы окуу жылы 30-майга чейин узартылды.

Жалпы билим берүүчү мектептердин 2019-2020-жылдагы бүтүрүүчүлөрү үчүн мамлекеттик сынактын шарттары өзгөргөн.

Быйыл өлкөдө 59 миңдей окуучу 11-классты бүтүрөт. Анын ичинен 1253ү артыкчылык аттестатына талапкер. 9-классты бүтүрүүчүлөрдүн саны 104 миңге жакын. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG