Өзбекстандын Башкы прокуратурасы Сырдарыя облусунун Сардаба (өзбекче «Сардоба») суу сактагычындагы дамбанын жырылышы боюнча козголгон кылмыш ишинин алгачкы жыйынтыктары жөнүндө маалымат берди.
Маалыматка ылайык, бул окуядан кийин эки кишиге кылмыш иши козголуп, камакка алынган.
Өзбекстандын президенти Шавкат Мирзиёев 5-майда Сардаба суу сактагычындагы окуянын себепкерлери жазаланарын билдирген.
Аталган суу сактагычты курууга мамлекеттик бюджеттен 404,4 миллион АКШ доллары жумшалган.
1-майдын таңында Өзбекстандын Казакстанга чектеш Сардаба суу сактагычы жырылып, эки өлкө 100 миңден ашуун жаранын коопсуз жайга көчүргөн.
