"Манипуляция жөнүндө" мыйзамынын максаты эмне?

Жогорку Кеңеште «Маалыматты манипуляциялоо жөнүндө» мыйзам долбоору экинчи окууда каралганы жатат. Демилгечи депутаттар муну менен Интернеттеги жалган маалыматтарды тескөөнү көздөп жатышат. Бир катар жарандык коом өкүлдөрү жана журналисттер мыйзам долбоор Орусиядан көчүрүлүп алынганын жана сөз эркиндигине шек келтирерин айтышууда. “Маалыматты манипуляциялоо” боюнча мыйзамдын талашы эмнеде? Аны парламент кабыл алган учурда иштөө механизмдери каралганбы? Бул суроолор “Эксперттер талдайт” берүүсүндө талкууланды. Ага Жогорку Кеңештин депутаты Дастан Бекешев, укук коргоочу Динара Ошурахунова жана журналист, “Фактчек” порталынын негиздөөчүсү Болот Темиров катышты. Талкууну Бакыт Асанов алып барды.