Линктер

ЧУКУЛ КАБАР!
3-Март, 2021 шаршемби, Бишкек убактысы 23:37

Курсан Асановдун сотунда жактоочу тарап прокурорду алмаштырууну өтүндү


Курсан Асанов сот залында. 28-февраль, 2020-жыл.

Ички иштер министринин мурдагы орун басары Курсан Асановдун сотунда жактоочу тарап мамлекеттик айыптоочуну ишти кароодон четтетүү өтүнүчүн келтирди. Бул тууралуу иш каралып жаткан Биринчи май райондук сотунун басма сөз кызматы кабарлады.

Мекеменин маалыматына караганда, судья жараяндын катышуучуларынын процессуалдык позициясын угуп чыгып, жактоочунун бул өтүнүчүн канааттандыруудан баш тартты. Кийинки отурум 26-июнга белгиленди.

Асанов «2019-жылдын 7-8-августунда Кой-Ташта мурдагы президент Алмазбек Атамбаевди кармоо операциясында милициянын кызыкчылыгын сатты жана ишеничтен кетти» деген жүйө менен кызматтан алынган. Кийин ага карата Жазык кодексинин 320-беренесинин («Кызмат абалынан кыянаттык менен пайдалануу») негизинде кылмыш иши козголгон. Соттук териштирүү 14-февралда башталган. Асанов өзү 2019-жылдын 27-августунан бери үй камагында.

Ушул эле кылмыш иши боюнча соттолуп жаткандардын катарында Асановдон тышкары эки адам бар. Алардын бири - Асановдун жардамчысы, Ички иштер министрлигинин кызматкери Дамир Пайзилда уулу, экинчиси - Chyndyk.kg сайтынын редактору, журналист Турсунбек Бейшенбеков.

Асановдун адвокаты Таалайгүл Токтакунова “Азаттыкка” билдиргендей, сот Асановго байланыштуу эки кылмыш ишин бир беренеге бириктирип карап жатат. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG