Линктер

ЧУКУЛ КАБАР!
17-Январь, 2021 жекшемби, Бишкек убактысы 05:51

Боронов: Көпчүлүк "Вирус жок" деп жүрүп ушул абал түзүлдү


Кубатбек Боронов.

Өкмөт элдин көпчүлүгү коронавирус илдетине олуттуу мамиле жасабагандыктан абал оорлошуп кетти деп эсептейт. 29-июнда өкмөттүн басма сөз кызматы маалымат таратып, бул тууралуу премьер-министр Кубатбек Боронов айтканын билдирди:

«Жакында эле көпчүлүк жарандарыбыз вирус жок деген жалган маалыматка ишенип, эл көп чогулган жерлерге барып жүрүштү. Дал ушул нерсе бүгүнкү биз күрөшүп жаткан абалга алып келди”.

Өкмөт башчы азыр да адистердин сөзүн угуп, өтө зарыл болбосо үйдөн чыкпай туруу кеч эмес экенин кошумчалады. Бул айрыкча улгайган, кооптуу топтогу адамдарга тийиштүү экенин белгиледи.

Ошону менен катар Боронов эң башкысы дүрбөлөңгө түшпөө керектигин, анткени коркуу сезимин башаламандыкка алып келерин айтып, элди сабырдуулукка жана чыдамкайлыкка чакырды.

Кыргызстанда COVID-19 илдетинен айыккандардын бул оору боюнча жалпы көрсөткүчтөгү деңгээли күндөн-күнгө начарлап баратат.

Жалпысынан 18-марттан 29-июнга чейин өлкөдө коронавирус 5017 адамдан табылды, алардын ичинен 50 бейтап кайтыш болду, 2294 бейтап айыгып кетти.

Өкмөт коронавируска байланыштуу айрым ооруканалардан кошумча орундарды даярдап жатат. (RK)

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG