Линктер

ЧУКУЛ КАБАР!
4-Август, 2021 шаршемби, Бишкек убактысы 21:36

Шайлоо-2020: Партиялардын банктагы эсебине акча которула баштады


Иллюстрациялык сүрөт.

Парламенттик шайлоого катышуу ниетин билдирген саясий партиялар банктагы эсептерине акча которо башташты. Борбордук шайлоо комиссиясынын (БШК) расмий сайтындагы маалыматка караганда, банктар саясий партиялардын шайлоо фондунун атайын эсебине түшкөн акчасы жана чыгымдары тууралуу БШКга апта сайын маалымат берип турууга милдеттүү. Өз кезегинде, БШК бул маалыматты ачык жарыялап турушу зарыл.

БШК билдиргендей, 20-июлга карата 43 партиянын 41и «РСК Банк» жана «Айыл Банк» банктарынан эсеп ачты. Азырынча алардын үчөө боюнча маалымат бар.

«Мекеним Кыргызстандын» эсебине 3 миллион сом, «Социал-демократтарга» 50 300 сом жана «Кыргызстандын жашылдар партиясына» 200 сом түшкөн.

Кыргызстандагы кезектеги парламенттик шайлоо быйыл 4-октябрга пландалууда. Шайлоого катышкысы келерин жалпысынан 44 саясий партия билдирген, БШК алардын бирөөнүн ыйгарым укуктуу өкүлүн каттоодон баш тартып койгондуктан азыр соттошуу уланууда.

Айрым саясатчылар эпидемия учурунда шайлоо өткөрүүнүн кереги жок экенин айтып жатышат. Ал эми БШК бул жараянды өз убагында өткөрүү демократиялык өлкө үчүн маанилүү талап экенин билдирүүдө.

Президент Сооронбай Жээнбеков парламент өз мөөнөтүндө шайланып, жаңы өкмөттү бекитерин 18-июлда айтты. (RK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG