Линктер

ЧУКУЛ КАБАР!
27-Январь, 2021 шаршемби, Бишкек убактысы 09:14

Бир күн ичинде сегиз медициналык кызматкерден коронавирус аныкталды


Бишкектеги убактылуу ооруканалардын бири. Дарыгерлер бейтаптар менен иштеп жатат. Июль, 2020-жыл.

Кыргызстанда бир сутка ичинде сегиз медициналык кызматкер коронавирус жугузуп алганы аныкталды. Бул тууралуу 28-июлдагы брифингде Саламаттык сактоо министрлигинин өкүлү Айнура Акматова билдирди.

Маалыматка караганда, алардын үчөө Ош шаарында, бирөө Ош облусунда, үчөө Жалал-Абад дубанында, дагы бири Талас аймагында катталды.

Соңку бир күндө COVID-19 диагнозу менен ооруканаларда жаткан сегиз медициналык кызматкер айыгып, үйүнө чыкты.

Жалпысынан республика боюнча коронавирус жугузуп алган медкызматкерлердин саны 2691ге жетти, алардын 1520сы айыкты.

28-июлга карата Кыргызстанда коронавирустан жалпы 1329 киши каза болду. Өлкө боюнча илдет жугузуп алгандардын жалпы саны 33844кө жетти.

Кыргызстан 17-июлдан тартып пневмонияны да коронавируска кошуп каттай баштаган.

XS
SM
MD
LG