Кыргызстанда бир сутка ичинде өпкөнү сезгентүүчү COVID-19 вирусунан тогуз киши кайтыш болду.
Саламаттык сактоо министрлигинин Коомдук саламаттык сактоо башкармалыгынын башчысы Айнура Акматова 8-августтагы брифингде билдиргендей, каза болгондордун төртөө Бишкекте, экөө Баткен облусунда, бирөө Ысык-Көлдө, бирөө Ош облусунда, дагы бири Нарын облусунда катталды.
Өлкөдө коронавирус пандемиясы башталган март айынан бери вирустун курмандыктарынын жалпы саны 1460ка жетти.