Борбордук шайлоо комиссиясы шайлоого катышууга аттанган 17 партиянын документтерин текшере баштады. 4-сентябрга чейин талапкерлерге байланыштуу маалыматтар иликтенет.
Жогорку Кеңешке ат салышуу ниетин билдирген 44 партиянын арасынан 17си өз убагында тийиштүү документтерди тапшырды. Алардын бири – “Актив” партиясы беш миллион сомдук шайлоо төлөй электигин 24-августта БШКнын басма сөз катчысы Руслан Изреков билдирген.
Эрежеге ылайык, партиялар 24-августта кечки саат алтыга чейин тизме жана документтер тапшырып, жарышка расмий уруксат алууга тийиш болчу.
4-сентябрда бир айлык үгүт иштери башталат. Шайлоо 4-октябрга белгиленген.
Алгач парламентке ат салышууга 44 партия ниетин билдирген.
Кыргызстанда 120 орундуу парламентке депутаттар партиялык система менен беш жылда бир шайланат. (SE)
