Линктер

ЧУКУЛ КАБАР!
26-ноябрь, 2020 бейшемби, Бишкек убактысы 04:27

Укук коргоочулар Бээжинге Олимпиада өткөрүүнү ыйгарган чечимди өзгөртүүгө үндөштү


Бир катар укук коргоочу уюмдар Эл аралык Олимпиада комитетин 2022-жылы кышкы Олимпиаданы Бээжинде өткөрбөөгө чакырышты.

Алар Кытайдагы оюндар бул өлкөдөгү адам укуктарынын абалы начарлаган сайын Олимпиада кыймылына залакасын тийгизерин айтышат.

Кытай бийлиги 160тан көп уюм кол койгон кайрылуунун авторлорун «спортту саясатташтырып» жатышканы үчүн айыптады. Авторлордун катарында кытайлардын, улуттук азчылыктардын, уйгурлардын, тибеттиктердин жана монголдордун укуктарын коргогон уюмдар да бар.

Укук коргоочулар 2008-жылы жайкы Олимпиаданын ийгиликтүү өтүшү расмий Бээжинге ички саясат жүргүзүүдө ишеним берип, уйгурларды жана башка азчылык өкүлдөрүн куугунтуктоону күчөтүүгө өбөлгө түздү деп эсептешет.

Эл аралык Олимпиада комитети кат боюнча азырынча комментарий бере элек. Буга чейин «​Associated Press» агенттигинин уйгурлардын укуктары боюнча суроосуна жооп берип жатып, уюм оюндарды кабыл алчу өлкөнү тандоо менен ал жактагы саясий түзүмдү, социалдык окуяларды же адам укуктары жаатындагы стандарттарды колдобой турганын айтып жооп берген.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG