Линктер

ЧУКУЛ КАБАР!
1-октябрь, 2020 бейшемби, Бишкек убактысы 19:35

Беларуста оппозиция лидерине айыбы угузулду


Мария Колесникова.

16-сентябрда беларус оппозициясынын лидерлеринин бири Мария Колесниковага «Улуттук коопсуздукка зыян келтирүүчү аракеттерге чакыруу» беренеси боюнча айып коюлду. Бул тууралуу өлкөнүн Тергөө комитети билдирди.

Колесникова 7-сентябрда кармалып, эки тилектеши менен бирге бийлик тарабынан Украинага күчтөп чыгаруу аракети болгон. Колесникова чет өлкөгө кетпесин билдирип, паспортун тытып жибергенден кийин Беларустун аймагында калган.

9-сентябрда Тергөө комитети оппозициялык Координациялык кеңештин президиум мүчөлөрү Мария Колесникова менен Максим Знак, ошондой эле адвокат Илья Салей «улуттук коопсуздукка коркунуч келтиргени» үчүн кармалганын билдирген.

12-сентябрда Колесникова Минскидеги тергөө изоляторунан Жодинодогу колонияга которулган.

Беларуста 9-августтагы президенттик шайлоонун жыйынтыгын тааныбаган түмөндөгөн эл толкуну ушул күнгө чейин басыла элек. БШК анда өлкөнү 26 жылдан бери башкарып келаткан Александр Лукашенко жеңгенин жарыялаган. Оппозиция шайлоонун жыйынтыгын тааныган эмес.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG