Линктер

ЧУКУЛ КАБАР!
29-сентябрь, 2020 шейшемби, Бишкек убактысы 11:27

Бишкекте Раимкул Аттокуровго каршы пикет өттү


Жарандык активист Өндүрүш Токтонасыров Кыргызстандын Орусиядагы мурдагы элчиси Раимкул Аттокуровдун экс-элчи макамынан ажыратууну талап кылып пикет өткөрдү. Ал 17-сентябрда талабы жазылган плакатты көтөрүп, Тышкы иштер министрлигинин алдында турду.

«Аттокуров экс-элчи макамынан жана ага тиешелүү бардык жеңилдиктеринен ажыратылышы керек. Аны «персона нон-грата» деп жарыялоону да талап кылам», -деди Токтонасыров.

Раимкул Аттокуровдун орус басылмаларынын бирине «Кыргызстанда Орусиянын курамына кирүү маселеси талкууланып жатат» деп айтканы жарыяланган. Коомчулукта экс-элчинин мындай сөзү «өз өлкөсүнө жасаган чыккынчылык», «чагымчылдык» деген сынга кабылып, кызуу талкууланууда.

Кыргызстандын Москвадагы элчилиги «Аттокуров - орус жараны жана ал өзүнүн жеке пикирин гана билдирген» деген билдирүү таратты. Аттокуров өзү орус басылмасы анын айткан сөздөрүн бурмалап койгонун «Азаттыкка» билдирген.

Раимкул Аттокуров 2007-2010-жылдары Кыргызстандын Орусияда толук жана ыйгарым укуктуу элчиси болгон. Учурда эки өлкөнүн тең жарандыгын алып жүрөт. (AiN/SE)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG