Линктер

ЧУКУЛ КАБАР!
28-октябрь, 2020 шаршемби, Бишкек убактысы 06:26

Раимкул Аттокуровду экс-элчи макамынан ажыратуу жөнүндө талап жаңырды


Раимкул Аттокуров.

Кыргызстандын Орусиядагы мурдагы элчиси Раимкул Аттокуровдун «Кыргызстанда Орусияга кошулуу маселеси талкууланууда» деген сөзү үчүн аны экс-элчи макамынан ажыратууну укук коргоочу Өндүрүш Токтонасыров талап кылууда.

Ал мындай талабы менен бүгүн, 17-сентябрь күнү Тышкы иштер министрлигинин алдына пикетке чыкмакчы. Укук коргоочунун «Азаттыкка» билдиргенине караганда, ТИМ мурдагы элчинин мындай аракетине баа берүүгө тийиш:

«Аттокуров экс-элчи макамынан жана ага тиешелүү бардык жеңилдиктеринен ажыратылышы керек. Аны «персона нон-грата» деп жарыялоону да талап кылам. Андайларга Кыргызстанда орун жок», -деди Токтонасыров.

Кыргызстандын Орусиядагы мурдагы элчиси Раимкул Аттокуровдун орус басылмаларынын бирине «Кыргызстанда Орусиянын курамына кирүү маселеси талкууланып жатат» деп айтканы жарыяланган. Коомчулукта экс-элчинин мындай сөзү «өз өлкөсүнө жасаган чыккынчылык», «чагымчылдык» деген сынга кабылып, кызуу талкууланууда.

Кыргызстандын Москвадагы элчилиги «Аттокуров - орус жараны жана ал өзүнүн жеке пикирин гана билдирген» деген билдирүү таратты. Аттокуров өзү орус басылмасы анын айткан сөздөрүн бурмалап койгонун «Азаттыкка» билдирген.

Раимкул Аттокуров 2007-2010-жылдары Кыргызстандын Орусиядагы толук жана ыйгарым укуктуу элчиси болгон. (ZKo)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG