Линктер

ЧУКУЛ КАБАР!
31-октябрь, 2020 ишемби, Бишкек убактысы 19:44

Айым талапкерлердин дебатында добуш сатып алуу маселеси көтөрүлдү


Парламенттик шайлоого аттанган партиялардын айым талапкерлеринин теледебатында жарандардын добушун сатып алуу маселеси көтөрүлүп, аны бийликчил «Биримдик» партиясы колдонуп жатканы айтылды.

Суроону «Мекен ынтымагы» партиясынын өкүлү Венера Осмонбетова «Биримдиктин» өкүлү Аида Касымалиевага узатып, буга жарандардын паспортторун чогултуу, административдик ресурсту колдонуу сыяктуу фактыларды мисал келтирди.

Касымалиева добуш сатып алуунун жоопкерчилиги тууралуу мыйзамды өзү жазганын белгилеп, «Биримдик» партиясы андай кадамга барбай турганын билдирди. Ошондой эле административдик ресурсту башка партиялар колдонуп жатканын кошумчалады, бирок кайсыл партиялар экенин айткан жок.

Айым талапкерлердин дебаты 21-сентябрда Коомдук телерадиокорпорацияда (КТРК) түз эфирде болду.

Кыргызстандын 120 орундуу Жогорку Кеңешине шайлоо 4-октябрда болот. Ага 16 партия ат салышууда.

Партиялардын талапкерлеринин тизмесинде эркектер басымдуулук кылат, аялдардын саны 30% тегерегинде. (SE)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG