Линктер

ЧУКУЛ КАБАР!
1-декабрь, 2020 шейшемби, Бишкек убактысы 21:12

Алиев Тоолуу Карабак боюнча Баку сүйлөшүүлөргө даяр экенин билдирди


Илхам Алиев.

Азербайжан президенти Илхам Алиев Тоолуу Карабактагы жаңжалды жайгаруу жаатында сүйлөшүүлөргө Баку дайыма даяр экенин билдирди.

Бул тууралуу "Аль-Жазира" телеканалына берген интервьюда айтканын 3-октябрда "Интерфакс" жазды.

Алиев Тоолуу Карабактагы конфликтке Армениянын деструктивдүү саясаты негиз болуп жатканын, ошондуктан көп жылдардан бери абал чыңалып келгенин белгиледи.

2-октябрда Армения Тоолуу Карабактагы атышууну токтотуу боюнча Европадагы Коопсуздук жана Кызматташтык Уюмунун (ЕККУ) алкагында Минск тобу боюнча сүйлөшүүлөрдү баштоого даяр экенин билдирген.

Ереван Азербайжандын Тоолуу Карабакта курал колдонушун жана Түркиянын бул чатакка аралашып жатканын айыптаган.

Буга чейин БУУ, Европа Биримдиги баштаган эл аралык уюмдар жана бир нече өлкө жаатташкан тараптарды Тоолуу Карабактагы согуш аракеттерин тезинен токтотууга чакырышкан.

Азербайжан менен Армениянын ортосунда талашка түшүп келген Тоолуу Карабак аймагындагы абал 27-сентябрдан бери курчуп, атышуу уланууда. Кагылышуудан 100дөн ашык адам, анын ичинде жайкын тургундар мерт болгону кабарланган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG