Линктер

ЧУКУЛ КАБАР!
1-декабрь, 2020 шейшемби, Бишкек убактысы 09:08

Жанарбек Акаев: Тезинен координациялык кеңеш түзүш керек


Жанарбек Акаев.

Кыргызстандагы саясий кризистен чыгыш үчүн 4-октябрдагы шайлоонун жыйынтыгын тааныбай турганын жарыялаган 13 партиянын мүчөлөрүнөн координациялык кеңеш түзүш керек. Бул тууралуу «Ата Мекен» партиясынын мүчөсү, Жогорку Кеңештин депутаты Жанарбек Акаев билдирди. Депутаттын айтымында, абалды көзөмөлгө алуу үчүн элдик ишенимдеги өкмөт түзүлүшү зарыл.

Конституциялык алкактан чыкпаш үчүн VI чакырылыштагы парламент чукул жыйынга чогулуп, төраганы алмаштырышы керек. Андан соң жаңы шайлоо белгиленет.

Ошондой эле Акаев Бишкек шаарындагы абалды жөнгө салуу үчүн комендантты дайындоо зарылдыгын кошумчалады.

Ал элди мыйзам алкагынан чыкпоого чакырып, банк түйүндөрүн сактап калууга үндөдү. Депутат аэропортторду да жабыш керек болорун белгиледи.

Митингге чыккандардын бир тобу лидерлердин кырдаалды чечип, иштешине жолтоо болбош керек экенин айтып жатышат.

5-октябрда парламенттик шайлоонун жыйынтыгына нааразы болгон партиялардын тарапкерлеринин тынчтык акциясы массалык башаламандык менен коштолду. 6-октябрда митингчилер парламент менен президент олтурган имаратты, УКМКнын имаратын басып алышты.

Президент Сооронбай Жээнбековдун басма сөз катчысы өлкө башчысы Бишкек шаарында экенин айтууда.

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG