Линктер

ЧУКУЛ КАБАР!
27-ноябрь, 2020 жума, Бишкек убактысы 21:01

Ким Кардашьян Арменияга жардамга бир миллион доллар которду


Реалити-шоу жылдызы Ким Кардашьян Еревандагы технологиялык жыйында. 8-октябрь, 2019-жыл.

Тоолуу Карабакты талашкан Азербайжан менен Армениянын ортосундагы куралдуу кагылышуудан жабыркаган жердештерине Лос-Анжелестеги армяндан диаспорасы жардам бере баштады.

10-октябрда реалити-шоу жылдызы Ким Кардашьян кагылышуудан жабыркагандарга гуманитардык жардам көрсөтүп жаткан «Армения» фондуна бир миллион доллар которгонун жарыялады.

«Бизди бөлүп жаткан аралыкка карабай, бизди чек аралар бөлө албай турганын, биз баарыбыз улутубуз армян экенибиз эч кимдин эсинен чыкпашын каалайм», - деди Кардашьян «Инстаграмдагы» видеокайрылуусунда.

11-октябрда миңдей адам Лос-Анжелесте армяндарды колдогон акция өткөрүштү. Ошол эле маалда Беверли-Хиллздеги Түркиянын консулдугунун алдына 20 миңдей адам топтолуп, Анкаранын Бакуну колдошун айыпташты.

Түштүк Калифорния штатында АКШдагы армяндардын көбү отурукташкан. Ал эми Чыгыш Голливуд району 2000-жылы «Кичи Армения» деген лакап атка конгон.

Эл аралык коомчулук Азербайжандын аймагы катары тааныган, бирок иш жүзүндө Ереван колдогон армяндар көзөмөлдөгөн Тоолуу Карабактагы куралдуу кармаш 27-сентябрда тутанган. Анда оор артиллерия, аскердик учактар жана дрондор колдонулган эле. Анын кесепетинен жүздөгөн адамдар каза болду.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG