Линктер

ЧУКУЛ КАБАР!
5-декабрь, 2020 ишемби, Бишкек убактысы 20:38

«Дордой» базарында иштегендер митингге чыгышты


Иллюстрациялык сүрөт.

«Дордой» базарында иштеген ондогон сатуучулар Бишкектеги Өкмөт үйүнүн алдына митингге чыгышты. Алар «Торугарт» чек ара бекетинин ачылышын камсыздоону талап кылышууда.

Митингчилердин атынан «Азаттык» радиосуна маалымат берген Диана Жайчыбекова жаңы сезонго карата сатуучуларда товар жок болуп жатканын, Кытайдан алдырылган товар чек арадан өтпөй турганын айтты.

«Дордой» базарынын соодагерлери буга чейин да бир нече ирет чек араны ачууну өкмөттөн талап кылган. Акыркы жолу премьер-министр, президенттин милдетин аткаруучу Садыр Жапаровдун катышуусундагы ишкерлер жыйынында көтөрүлүп, соодагерлердин ишкердиги дээрлик токтоп калганын, салык төлөөгө мүмкүнчүлүгу жогун билдиришкен.

Кыргыз-кытай чек арасы быйыл февраль айында жабылган. Андан бери товар ташууга аба каттамдары аркылуу гана уруксат берилип, кара жол аркылуу товар ташууга чакан өлчөмдө кыска мөөнөттүк гана мүмкүнчүлүктөр берилип келген.

Өлкөдө коронавирус пандемиясы башталгандан бери чек аралардын баары жабылып, азыркы тапта Кыргызстандын Казакстан, Өзбекстан, Орусия менен байланышы жарым-жартылай калыбына келген. (BCh)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG