Линктер

ЧУКУЛ КАБАР!
1-декабрь, 2020 шейшемби, Бишкек убактысы 21:34

«Дордой» базарынын соодагерлери Өкмөт Үйүнө күч менен кирүүгө аракет кылышты


«Дордой» базары.

Бүгүн, 2-ноябрда Бишкектеги Өкмөт үйүнүн алдында нааразылык акциясына чыккан «Дордой» базарынын сатуучулары вице-премьер-министр Артем Новиковдон чогулгандардын талабын угушун суранышты. Новиков чыкпаганда чогулгандар имараттын ичине күч менен кирүүгө аракеттеништи.

Митингге чыккандар Кытайдан алдырган товарлары чек арадан өтпөй, жаңы сезонго карата сатуучуларда товар жок болуп жатканын, бул маселени өкмөт чечип бериши керектигин айтып жатышат.

«Дордой» базарынын соодагерлери буга чейин да бир нече ирет чек араны ачууну өкмөттөн талап кылышкан. Акыркы жолу премьер-министр, президенттин милдетин аткаруучу Садыр Жапаровдун катышуусундагы ишкерлер жыйынында бул маселе көтөрүлүп, соодагерлер иши дээрлик токтоп калганын, салык төлөөгө мүмкүнчүлүгу жок экенин билдиришкен.

Кыргыз-кытай чек арасы быйыл февраль айында жабылган. Андан бери товар ташууга аба каттамдары аркылуу гана уруксат берилип, кара жол аркылуу товар ташууга чакан өлчөмдө кыска мөөнөттүк гана мүмкүнчүлүктөр берилип келген.

Өлкөдө коронавирус пандемиясы башталгандан бери чек аралардын баары жабылып, азыркы тапта Кыргызстандын Казакстан, Өзбекстан, Орусия менен байланышы жарым-жартылай калыбына келген. (BCh)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG