Линктер

ЧУКУЛ КАБАР!
3-декабрь, 2020 бейшемби, Бишкек убактысы 00:29

Курсан Асанов үй камагына чыгарылды


Курсан Асанов.

Ички иштер министринин мурдагы орун басары Курсан Асановдун бөгөт чарасы өзгөртүлүп, 4-ноябрда ал үй камагына чыгарылды. Бул тууралуу «Азаттыкка» Асановдун адвокаты Таалайгүл Токтакунова билдирди.

Анын айтымында, бөгөт чарасын үй камагына өзгөртүү тууралуу өтүнүч менен Бишкектин Биринчи май райондук сотуна Башкы прокуратура кайрылган.

«Башкы прокуратура өз өтүнүчүндө Асанов багуудагы балдары, үй-бүлөсү бар адам экенин, туруктуу жашаган жери бар экенин, качып кетпей турганын белгилеген», - деди адвокат.

5-9-октябрдагы Бишкектеги жапырт башаламандыкка байланыштуу козголгон кылмыш ишинин алкагында 10-октябрда кармалган Асанов 10-декабрга чейин камакка алынган. Мындай чечим 12-октябрда Биринчи май райондук сотунда чыккан. Асанов Улуттук коопсуздук боюнча мамлекеттик комитеттин (УКМК) тергөө абагына, мурдагы президент Алмазбек Атамбаевдин тарапкерлери Бишкектеги №1 тергөө абагына камалган.

2-ноябрда Асановдун 100дөн ашык тарапкери УКМКнын имаратынын жанында митинг өткөрүп, кийин Өкмөт Үйүнүн жанына барышкан. (RK)

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG