Линктер

ЧУКУЛ КАБАР!
25-Сентябрь, 2021 ишемби, Бишкек убактысы 16:35

УКМК: 575 миллион сом өлчөмүндөгү акча мамлекеттик казынага которулду


Иллюстрациялык сүрөт.

УКМКнын Коррупцияга каршы күрөш кызматы тарабынан коррупцияга байланышкан кылмыштарды тергөөнүн негизинде бюджетке келтирилген зыяндын 575 миллион сому өндүрүлдү. Бул маалыматы УКМКнын басма сөз кызматы таркатты.

575 миллион сом - октябрь айынын башынан тартып 5-ноябрга чейин өндүрүлгөн сумма.

Ошондой эле «Кыргыз темир жолу улуттук компаниясы» мамлекеттик ишканасында мамлекеттик сатып алууда жана уюштуруу учурундагы коррупциялык схема аныкталды.

УКМК «Кыргыз темир жолу» мамлекеттик ишканасында 2018-жылдан 2020-жылга чейинки аралыктагы коррупциялык иштердин бетин ачты. Темир жолго сапаты начар курулуш материалдарын алуунун айынан мамлекеттик бюджет 25 миллион сомдон ашуун зыян тарткан.

Бул иш боюнча аталган мамлекеттик ишкананын И.Г.А. аттуу кызматкери 4-ноябрда Жазык кодексинин 204-беренесинин 3-бөлүмү («Алдамчылык») боюнча кармалып, сотко чейинки териштирүү башталды. «Кыргыз темир жолу» ишканасы жана анын кармалган кызматкеринин адвокаты УКМКнын маалыматына байланыштуу билдирүү тарата элек. (BCh)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG