Линктер

ЧУКУЛ КАБАР!
28-ноябрь, 2020 ишемби, Бишкек убактысы 10:43

Грузияда шайлоодон кийин бийликти кулатууга даярдануу аракети боюнча иликтөө жүрүүдө


Грузияда шайлоо 31-октябрда өткөн.

Грузиянын Коопсуздук кызматы бийликти кулатууга даярдануу аракети боюнча ишти иликтейт. Мекеменин сайтында жума күнү жарыяланган кабарда иликтөө бир ай мурун башталганы айтылат. Атайын кызматка парламенттик шайлоонун жыйынтыгынан кийин айрым бир күчтөр өкмөттү күч менен кулатууну пландап жатканы боюнча ыкчам маалымат түшкөн. "Эхо Кавказа" медиасы парламент депутаты Ираклий Кобахидзе өз максатын көздөгөн топтордун тизмесин тергөөгө бергенин маалымдайт.

31-октябрда парламенттик шайлоодон кийин Тбилисиде нааразылык акциялары башталган. Оппозиция добуш берүүнүн жыйынтыгын бурмалоо деп атап, кайра шайлоо өткөрүүнү талап кылууда.

Расмий жыйынтыкка ылайык, олигарх Бидзина Иванишвилинин “Грузиялык кыял” партиясы шайлоочулардын 48% ашык добушун алган. Бул пайыз аларга ушуну менен үчүнчү жолу өкмөттү төрт жылдык мөөнөткө түзүүгө мүмкүндүк берет.

Европадагы Коопсуздук жана Кызматташтык Уюмунун (ЕККУ) байкоочулары шайлоону жалпы жолунан эркин жана атаандаштык менен өттү деп баалады. Бирок, уюм шайлоочуларга басым, административдик ресурс колдонулганы жөнүндө сөздөр Грузиянын шайлоо жараянынан ишеним кетиргенин белгилейт.

"Коммерсантъ" басылмасы Тбилисиде жекшембиде нааразылык акциясы өтөөрүн кабарлады. (TSh)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG