Линктер

ЧУКУЛ КАБАР!
28-ноябрь, 2020 ишемби, Бишкек убактысы 02:47

Кыргызстанда коронавирустан дагы беш киши каза болду


Иллюстрациялык сүрөт.

Коронавируска каршы күрөш боюнча республикалык штабдын 8-ноябрдагы маалыматына караганда, акыркы бир сутка ичинде COVID-19 жана пневмония дагы беш кишинин өмүрүн алды. Каза болгондордун үчөө Бишкек шаарында, бири Талас, бири Ош облусунда катталды. Саламаттык сактоо министрлигинин жаңы эсеби боюнча коронавирус пандемиясы башталган март айынан бери илдеттин курмандыктары 1177 кишиге жетти.

Бир суткада дагы 515 кишиден вирус расмий табылды. Коронавирус расмий аныкталгандар боюнча Жалал-Абад облусу алдыга чыкты. Бул аймакта 133 кишиден илдет табылды. Андан кийин Бишкек шаарында 107, Чүй облусунда 60, Баткен облусунда 54, Ош облусунда 52, Ысык-Көл облусунда 45, Ош шаарында 43, Талас облусунда 20, Нарын облусунда 1 кишиден вирус аныкталды.

Ушуну менен пандемия башталгандан бери инфекцияны жугузуп алгандардын жалпы саны 62 819 адамга жетти. Ооруканадан айыгып чыккандардын саны - 53 952 адам.

Кыргызстанда COVID-19 илдетине чалдыккандардын арасынан 1019 адам оор абалда бейтапканаларда жатат. Учурда стационарда 3409 бейтап дарыланууда. Анын ичинен 58 адамдын абалы - канааттандыраарлык, 2195 бейтаптын абалы – орто, 137 киши - өтө оор абалда. Амбулатордук дарыланууда – 3634 бейтап бар. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG