Линктер

ЧУКУЛ КАБАР!
23-Июнь, 2021 шаршемби, Бишкек убактысы 21:52

«Pfizer» жана «BioNTech» компанияларынын коронавируска каршы вакцинасы 90% натыйжалуу болду


Иллюстрациялык сүрөт.

Америкалык «Pfizer» жана германиялык «BioNTech» компаниялары биргелешип чыгарган COVID-19га каршы вакцинасы сыноонун үчүнчү баскычында 90% натыйжалуу экенин көрсөттү.

Сыноого 43,5 миңдей ыктыярчы катышып, аларга вакцина жана анын плацебосу сайылган. Катышуучулардын арасынан коронавируска 94 гана адам чалдыккан.

Эки компания тең коопсуздук маселесинде олуттуу кыйынчылык байкалбаганын жана вакцинаны ыкчам колдонуу боюнча АКШ бийлигинин уруксатын күтүп жатышканын билдиришти.

«Бүгүн илим жана адамзат үчүн улуу күн», - деп билдирди «Pfizer» компаниясынын башчысы жана башкы аткаруучу директору Альберт Бурла.

Вакцина канча убакыт адамды коргой алары айтылган эмес. «BioNTech» компаниясынын аткаруучу директору Угур Сахин «Reuters» агенттигине бул вакцина адамды бир жылга чейин коргой аларына үмүттөнүп турганын билдирди.

Компаниялар 2020-жылы 50 миллион доза, ал эми 2021-жылы бир миллиарддан көп доза чыгарары божомолдонууда.

Коронавируска каршы вакцинанын сыноосу ийгиликтүү аяктаганы жарыялангандан кийин дүйнөдө мунайдын баасы кескин кымбаттады. «Pfizer» компаниясынын акциялары 14% көтөрүлдү.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG