Линктер

ЧУКУЛ КАБАР!
1-Август, 2021 жекшемби, Бишкек убактысы 12:39

Бишкекте бир күндө сегиз митинг уюштурулду


«Түндүкэлектр» ишканасынын нааразы болгон кызматкерлеринин акциясы.

Бишкекте бүгүн, 11-ноябрда жалпы жонунан сегиз нааразылык акциясы өттү.

«Караван» соода борборунун ижарачылары кезектеги акция уюштуруп, соода күркөлөрүн электрондук сатып алуу порталынан алууну талап кылышты.

Гепатитке чалдыккандар дары-дармектин, эмдөө үчүн вакцинанын кымбаттыгын чечип берүү, гемодиализ алгандар өз маселелерин чечүү тууралуу талаптар менен Саламаттык сактоо министрлигинин алдына чыгышты.

«Түндүкэлектр» ишканасынын бир топ кызматкерлери кайрадан Өкмөт Үйүнүн алдына чыгып, мурдагы жетекчини кайра кызматка дайындоону, «Кыргыз почтасы» мекемесинин 20дан ашык өкүлү айлык акыны жогорулатууну талап кылышты. Бир нече жаран «Кыргызалтын» ачык акционердик коомунун жетекчисине каршы акция өткөрсө, «Акнет» компаниясынын бир катар кызматкерлери ишкананын камактагы негиздөөчүсү Кубан Ажимудиновго карата нааразылык билдиришти. Анын алдында Ажимудиновдун тарапкерлери басма сөз жыйынын өткөрүп, аны камактан бошотууга бийликти чакырышкан.

«Кыргызалтын» ишканасы митингдеги билдирүүлөрдү атайын уюштурулган акция жана куру доомат деп баалады. Саламаттык сактоо министрлиги нааразы тараптын өкүлдөрү менен жолугушуп, гемодиализ алгандар менен гепатитке чалдыккандар көтөрүп чыккан маселелер карала турганын билдирди.

Мындан тышкары Өкмөт Үйүнүн алдында «Айымдар кыймылы» деп аталган коомдук бирикмеге мүчө болгон төрт аялдын Кыргызстандагы саясий окуяларга каршылык акциясы уланууда.

Ачкачылык жарыялаган аялдар менен президенттик аппараттын өкүлдөрү жолугушуп, талаптарын укканы айтылды. (NT)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG