Линктер

ЧУКУЛ КАБАР!
18-Сентябрь, 2021 ишемби, Бишкек убактысы 17:55

Арменияда оппозиция Пашиняндын кызматтан кетишин талап кылды


Еревандагы митингден бир көрүнүш.

Арменияда миңдеген адамдар өлкөнүн премьер-министри Никол Пашиняндын кызматтан кетишин талап кылышты. Шаардын борбордук Эркиндик аянтына топтолгон адамдар Пашиняндын Тоолуу Карабак боюнча үч тараптуу келишимге кол коюшун айыптап, кыйкырып жатышты.

Акциянын жүрүшүндө полиция менен кагылышуу башталып, бир нече демонстрант кармалды.

Еревандагы митингде сүйлөп жатып, «Армян революциялык федерациясы» кыймылынын лидери Ишхан Сагательян «согуш Пашиняндын иретсиз саясатынан улам тутанганын» билдирди. Түнкү 12ге чейин парламент чукул жыйынга чогулуп, Пашинянды кызматтан кетирүү тууралуу маселени карашы керек экенин эскертти. Болбосо 12-ноябрда «маселени чечиш үчүн башкача кадамдар» кабыл алынары айтылды.

Президент Армен Саркисян чыңалууну басаңдатып, улуттук «биримдикти» сактап калуу максатында бир нече саясий партиялардын өкүлдөрү менен сүйлөшүү баштаганын анын кеңсеси билдирген.

10-ноябрда күчүнө кирген үч тараптуу келишимге ылайык, Азербайжан соңку уруш маалында өз көзөмөлүнө алган Тоолуу Карабактагы жана анын айланасындагы чөлкөмдөрдү сактап калмакчы.

Макулдашуу тууралуу Азербайжан Куралдуу күчтөрү алты жумадан бери уланып келаткан кармаштарда ийгиликке жетишкен учурда жарыяланды.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG