Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 16:21

АКШ Кыргызстандагы шайлоолор таза өтүшүнө каражат берет


АКШнын желеги Кыргызстанда. Иллюстрациялык сүрөт.

АКШ өкмөтү бул өлкөнүн Эл аралык өнүктүрүү агенттиги (USAID) аркылуу Кыргызстандагы президенттик жана парламенттик шайлоого каражат бөлүү ниетин билдирүүдө. Бул тууралуу АКШнын Кыргызстандагы элчилиги кабарлады.

Элчилик тараткан маалыматта «каражат Борбордук шайлоо комиссиясынын (БШК) демократиялык стандарттарды сактап, кыргыз мыйзамдарын туу тутуп, президенттик жана парламенттик шайлоолорду өткөрүшү үчүн колдоо көрсөтөт» деп жазылды.

Ошондой эле USAID Кыргызстандын көз каранды эмес демократиялык мамлекетке айланышын 1990-жылдардын башынан бери колдоп келе жатканын белгиледи. АКШ Кыргызстанда саясий туруктуулук орноп, экономиканын өнүгүшүн, ачык-айкын демократиялык башкарууну, активдүү жарандык коомду колдойт жана таза шайлоо өтүшүн күтөт.

Кыргызстан менен АКШнын өкмөттөрүнүн кызматташтыгы тууралуу келишимге 1993-жылы 19-майда Вашингтондо кол коюлган. Бул документти кыргыз өкмөтү 2015-жылдын 21-июлунда бир тараптуу денонсациялаган.

Жаңы келишим даярдалып жатканы эки жылдан бери айтылууда, бирок ага кол коюла элек. (TSh)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG