Линктер

ЧУКУЛ КАБАР!
19-Январь, 2021 шейшемби, Бишкек убактысы 20:23

Нетаньяху Сауд Арабиясына тымызын барып келди


Биньямин Нетаньяху.

Израил өкмөтү премьер-министр Биньямин Нетаньяху 22-ноябрда Сауд Арабиясына тымызын барып келгенин, тактынын мураскер ханзаадасы менен жолукканын ырастады.

Билим берүү министри Йоав Галлант Сауд Арабиясындагы жолугушууну «укмуштуудай жетишкендик» катары мүнөздөдү.

Нетаньяхунун соңку тымызын сапары тууралуу Израилдеги коомдук телеканал бийликтеги ишенимдүү булактарына таянып биринчи кабарлаган. Ага ылайык, Израилдин өкмөт башчысы тактынын мураскер ханзаадасы Мухаммед бен Салман жана АКШнын башкы дипломаты менен Неом шаарында жолуккан.

Нетаньяхунун кеңсеси менен АКШнын Иерусалимдеги элчилиги бул маалыматты расмий бышыктай элек. Буга чейин Сауд Арабиясына Израилдин өкмөт башчысы бара элек болчу.

Бул жолугушуу Эр-Рияддын Перс булуңундагы эки өнөктөшү - Бириккен Араб Эмираттары жана Бахрейн менен Израил мамилесин жөнгө салуу боюнча макулдашкандан кийин ишке ашууда.

Сауд Арабиясы буга чейин Израил палестиндер менен жаңжалын жөнгө салмайынча алар менен алака-катыш кылбоо тууралуу Араб Өлкөлөрү Лигасынын позициясын карманарын билдирип келген. Бирок Тел-Авивдин учактарына өз аймагы аркылуу Перс булуңуна жана Азияга учууга уруксат берген.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG