Линктер

ЧУКУЛ КАБАР!
17-Сентябрь, 2021 жума, Бишкек убактысы 21:20

Текебаев менен Чотоновдун иши боюнча сот 14-декабрда улантылат


Өмүрбек Текебаев жана Дүйшөнкул Чотонов сот залында.

Бишкектин Биринчи май райондук сотунда 7-декабрда «Ата-Мекен» партиясынын лидери Өмүрбек Текебаевдин жана мурдагы өзгөчө кырдаалдар министри Дүйшөнкул Чотоновдун соту уланды. Райондук соттун басма сөз кызматынын билдиргенине караганда бул күнү судья материалдарды изилдөөнү улантып, соттун кийинки отурумун 14-декабрга белгиледи.

Текебаев менен Чотонов «орусиялык жарандар Леонид Маевский менен Алексей Модинден пара алган» деген көрсөтмөнүн негизинде 2017-жылы ар бири сегиз жылдан түрмөгө кесилген.

Жогорку сот 2019-жылы ишти жаңы ачылган жагдайларга байланыштуу карап, мурдагы чечимдердин баарын жокко чыгарып, ишти Биринчи май райондук сотуна кайтарган. Ал эми түрмөгө кесилген Өмүрбек Текебаев менен Дүйшөн Чотоновду сот 19-августта бошотуп, үй камагына чыгарган.

Эки саясатчы бул кылмыш ишти ошол кездеги президент Алмазбек Атамбаевдин куугунтугу катары баалап келатат. (BTo)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG