Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 00:31

Ирандын Йемендеги элчиси АКШнын «кара тизмесине» кирди


Йеменде акыркы беш жылдан бери хуситтер менен жарандык согуш уланып келет.

Кошмо Штаттардын бийликтен кетип жаткан президенти Дональд Трамптын администрациясы 8-декабрда Ирандын Йемендеги элчиси Хасан Ирлуну «кара тизмеге» киргизди. АКШнын Финансы министрлигинин санкциялары Ирандын Кум шаарындагы Аль-Мустафа эл аралык университетине да тиешелүү.

Министрликтин билдирүүсүндө мындай чечим Йемендеги окуяларга байланыштуу кабыл алынганы айтылат.

АКШ элчи Хасан Ирлу жакында Йеменге хусит козголоңчуларына Иран бийлигинин элчиси катары жиберилген деп эсептейт.

Мамлекеттик департаменттин билдирүүсүндө Иран Йемендеги хусит-козголоңчуларына расмий өкүлүн жиберип, аларды тааныган жападан-жалгыз өлкө экени айтылат.

Вашингтон Иран Йемендин өкмөтүнө каршы күрөшүп жаткан хусит козголоңчуларын мыйзамсыз жол менен куралдандырып жатканын билдирип келет. Тегеран мындай айыптарды четке кагууда.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG