Линктер

ЧУКУЛ КАБАР!
3-Август, 2021 шейшемби, Бишкек убактысы 20:37

Орусияда Мамдума экс-президенттин кепилдиги жөнүндө мыйзам кабыл алды


Мамлекеттик Дума.

Орусиянын Мамлекеттик Думасы өлкөнүн экс-президентинин кепилдиктери жөнүндө мыйзамды үчүнчү окууда кабыл алды. Эми документти Федерация Кеңеши жактырып, президент кол коюшу керек.

Мыйзам күчүнө кирсе, Орусиянын президенттери кызматтан кеткен соң кол тийбестикке ээ болот. Аларды кармоого, камоого жана тинтүүгө, кылмыш жана административдик жоопкерчилигине тартууга тыюу салынат.

Экс-президентти кепилдиктеринен мамлекетке чыккынчылык сыяктуу оор кылмыштарга айыпталган учурда гана Мамлекеттик Думанын сунушу, Федерация Кеңешинин макулдугу менен ажыратылат.

Азыркы мыйзамга ылайык, Орусиянын мурдагы президенттери кызматын аткарып жаткан учурдагы кабыл алган чечимдери үчүн гана кол тийбестикке ээ.

Орусияда учурда бир гана экс-президент бар. Ал - өлкөнү 2008-жылдан 2012-жылга чейин башкарган Дмитрий Медведев.

Көпчүлүк талдоочулар өзгөртүүлөр азыркы президент Владимир Путинге ыңгайлашып кабыл алынып жатат деп эсептешет.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG