Линктер

ЧУКУЛ КАБАР!
18-Сентябрь, 2021 ишемби, Бишкек убактысы 17:53

Баласын аёосуз сабаган кыргызстандык ата Москвада соттолду


Бала токмоктолгону тартылган видеодон кесилген сүрөт.

Москвада баласын аёосуз сабаган кыргызстандык эркек үч жарым жылга соттолгонун РИА «Новости» агенттиги 14-декабрда жазды. Ага «эрезеге жете элек баласын багуудагы жана тарбиялоодогу жоопкерчиликсиз мамиле жана зомбулук» деген айып коюлду.

2020-жылдын апрелинде социалдык түйүндөрдө болжол менен башталгыч класста окуган баланы атасы токмоктоп жатканы тартылган видео тараган. Ички иштер министрлиги балага зомбулук көрсөткөн окуя 16-апрелде болгонун, баласын сабаган жаран Жалал-Абад облусунун Ала-Бука районунун 35 жаштагы тургуну, үй-бүлөсү менен 2019-жылы күзүндө Орусияга кеткенин билдирген.

Баланы аёосуз сабоо фактысы Москва шаарынын Кунцево районунун ички иштер бөлүмүн катталган. РИА «Новости» ал баласын урган башка учурлар да аныкталганын, күнөөсүн мойнуна алганын маалымдады. (SE/BCh)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG