Линктер

ЧУКУЛ КАБАР!
17-Январь, 2021 жекшемби, Бишкек убактысы 05:57

УКМК: Өкмөттүк аппараттын бөлүм башчысы кармалды


Иллюстрациялык сүрөт.

Улуттук коопсуздук боюнча мамлекеттик комитет (УКМК) өкмөттүн аппаратынын жетекчисинин биринчи орун басары даражасындагы коргоо, укуктук тартип жана өзгөчө кырдаалдар бөлүмүнүн башчысы «А.А.М.» аттуу жаран кармалганын маалымдады.

УКМКнын Коррупцияга каршы күрөш кызматы жана Аскер прокуратурасы радиожыштыктарга байланыштуу коррупциялык фактылар боюнча сотко чейинки териштирүү жүргүзүп жатат. Өкмөттүн аппаратынын бөлүм башчысы ушул иштин алкагында Жазык-процессуалдык кодексинин 98-беренесине ылайык 15-декабрда кармалып, камакка алынды.

Өкмөттүн сайтында аталган бөлүмдүн башчысы Азамат Араев экени жазылган.

Буга чейин Биринчи май райондук сотунун чечими менен радиожыштыкты мыйзамсыз сатууга тиешеси бар деп шек саналган өкмөттүн мурдагы аппарат башчысы Самат Кылжыевди УКМК эки айга камаган.

2020-жылдын май айында мамлекеттин карамагындагы 200 МГц жыштык «Скай Мобайл» компаниясына сатылып, мыйзамсыз кайра катталганы ачыкка чыгып, бул боюнча кылмыш иши козголгон жана мунун артында ошол кездеги өкмөт башчы Мухаммедкалый Абылгазиев турганы айтылган. Абылгазиев бул билдирүүнү саясатташкан жалаа деп баалаган. (BCh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG