Линктер

ЧУКУЛ КАБАР!
23-Январь, 2021 ишемби, Бишкек убактысы 13:28

Көлбаев Дзюдо федерациясынын президенти болуп кайра шайланды


Кыргыз спортчулары.

17-декабрда Кыргызстандын Дзюдо федерациясынын отчёттук-шайлоо конференциясы өттү. Анда Жолдошбек Көлбаев федерациянын президенттигине кайрадан шайланды. Бул тууралуу Жаштар, дене тарбия жана спорт боюнча мамлекеттик агенттиктин басма сөз кызматы маалымдады.

Конференцияда: «Мындан туура төрт жыл мурда силер мага ишеним артып федерациянын башына койгонсуңар. Өтүп кеткен төрт жылда өтө чоң, фантастикалык ийгиликтерге жетиштик. Эми мындан ары да мага ишеним көрсөткөнүңөр үчүн ыраазымын», - деди Көлбаев.

Ал буга чейин да федерацияны жетектеп келген. Федерациянын президентин шайлоо төрт жылда бир өткөрүлөт.

Отчёттук-шайлоо конференциясына Улуттук олимпиада комитетинин биринчи вице-президенти Канат Аманкулов, Спорттун олимпиадалык түрлөрү боюнча дирекциянын директору Жоомарт Шамканов, Дзюдо федерациясынын машыктыруучулары, калыстары жана кыргыз спорт коомчулугунун өкүлдөрү катышты.

Дзюдо федерациясынын президентинин агасы Камчыбек Көлбаев 22-октябрда Бишкектеги спорттук клубдардын биринде уюшкан кылмыштуу топтун иш-аракеттеринин алдын алуу операциясынын алкагында Улуттук коопсуздук боюнча мамлекеттик комитет тарабынан кармалган. Азыркы тапта №47 колонияда камакта. (BCh)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG