Линктер

ЧУКУЛ КАБАР!
20-Январь, 2021 шаршемби, Бишкек убактысы 03:35

Социалдык фонд январда пенсия кечикпей турганын маалымдады


Иллюстрациялык сүрөт.

Социалдык фонд 2020-жылы декабрда пенсиялык төлөмдөргө жалпысынан 4 миллиард 156 миллион сом талап кылынарын маалымдады. 18-декабрга карата жалпы төлөмдөрдүн 95% ишке ашып, жакыңкы күндөрү баары төлөнүп бүтөрүн аталган фонддун басма сөз кызматы маалымдады.

Мекеменин маалыматы боюнча 2021-жылдын январь айына карата пенсиялык төлөмдөр өз убагында ишке ашат, кечиктирүү же төлөбөй коюу болбойт.

17-декабрда Жогорку Кеңештин жыйынында Социалдык фонддун 2019-жылдагы ишмердиги тууралуу отчёту берилип, 2021-жылга карата божомолдор айтылды.

Фонддун жетекчисинин орун басары Гүлнура Жуматаева бюджеттеги тартыштыктан улам социалдык төлөмдөр 2 миллиард 700 миллион сомго кемип калгандыктан пенсия төлөө кечигиши мүмкүн экенин айткан.

«Мындай кыскаруу пенсияны убагында бере албай калуу коркунучун жаратат. Салык кызматынан төлөмдөрдү башкарууну жакшыртууну суранып жатабыз», - деди Жуматаева. Ал ошондой эле 2021-жылдын январь айында пенсиялык төлөмдөрдү убагында бере албай калышса, Финансы министрлигинен колдоо сурай турганын да кошумчалаган.

Социалдык фондго төлөмдөр 2020-жылдагы пандемиядан улам келип чыккан экономикалык каатчылыктын айынан кемигени айтылды.

2019-жылдын эсеби боюнча Кыргызстанда 651 миң пенсионер бар. (BCh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG