Линктер

ЧУКУЛ КАБАР!
17-Сентябрь, 2021 жума, Бишкек убактысы 00:26

Дипломат Бактыгүл Каламбекова Кытайдын сыйлыгын алды


Бактыгүл Каламбекова.

Бээжинде 18-декабрда "Кытайдан атайын китеп сыйлыгын" тапшыруу аземи өттү.

Иш-чарада кыргыз-кытай маданий байланышын өнүктүрүү жана бекемдөөгө кошкон салымы, Кытайдын төрагасы Си Цзинпиндин "Мамлекеттик башкаруу жөнүндө" деп аталган китебин кыргызчага которгону үчүн Кыргызстандын Британиядагы мурдагы элчиси, дипломат Бактыгүл Каламбекова сыйлык алды.

Тышкы иштер министрлигинин маалыматына караганда, быйыл сыйлык 15 мамлекеттин өкүлдөрүнө тапшырылды. Алардын арасында Орусия, Англия, Аргентина, Вьетнам, Германия, Италия, Польша, Сербия жана АКШнын өкүлдөрү бар. Жеңүүчүлөр ар кайсы мамлекеттерден катышкан 314 талапкердин арасынан тандалган.

COVID-19 пандемиясына байланыштуу жеңүүчүлөрдүн баары сыйлык берүү салтанатына катыша алган жок. Бактыгүл Каламбекованын сыйлыгы Кыргызстандын Кытайдагы элчиси Канайым Бактыгуловага берилди.

«Кытайдын атайын китеп сыйлыгы" жыл сайын берилип турат. Өлкөнүн Басма сөз мамлекеттик агенттиги негиздеген сыйлык Кытай менен чет мамлекеттердин ортосундагы маданий байланышка салым кошкон котормочуларга, жазуучу-акындарга 2005-жылдан бери ыйгарылып келет. (NT)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG