Линктер

ЧУКУЛ КАБАР!
2-Март, 2021 шейшемби, Бишкек убактысы 19:52

Прокуратура: Ала-Букада айыл ɵкмɵт мамлекетке 17 млн. сом зыян келтирген


Иллюстрациялык сүрөт.

Жалал-Абад облустук прокуратурасы Ала-Бука районуна караштуу Кɵк-Таш айыл ɵкмɵтүндɵ бир катар мыйзам бузуу фактыларын аныктады.

Башкы көзөмөл органынын расмий сайтындагы маалыматка караганда, айыл ɵкмɵттүн кызмат адамдары айрым жеке ишкерлер менен сүйлɵшүп алып, кɵпүрɵ, жол жана башка объектилерди курууда атайылап ашыкча суммаларды кɵрсɵтүшкɵн. Натыйжада мамлекетке 17 млн. 279 миң 755 сом зыян келтирилген.

Бул факт боюнча Жазык кодексинин «Кызмат абалынан кыянаттык менен пайдалануу» беренеси менен кылмыш иши козголуп, Кылмыштар менен жоруктардын бирдиктүү реестрине тогуз сотко чейинки териштирүү иши катталды.

Ишти андан ары иликтөө Экономикалык кылмыштарга каршы күрөш боюнча мамлекеттик кызматтын (Финансы полициясы) Жалал-Абад облустук башкармалыгына тапшырылды. (BTo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG