Линктер

ЧУКУЛ КАБАР!
5-Август, 2021 бейшемби, Бишкек убактысы 07:42

АКШда Байдендин инаугурациясынын алдында коопсуздук чарасы күчөтүлүүдө


Капитолий учтуу шиши бар зым менен курчалууда.

АКШда жаңы шайланган президент Жо Байдендин инаугурациясынын алдында ыктымалдуу демонстрациялардан улам коопсуздук чаралары күчөтүлүүдө.

ФБР онлайн чаттардагы куралдуу каршылыкка үндөгөн чакырыктарга байланыштуу башаламандык болушу ыктымалдыгын эскертти.

Бийлик Вашингтондо 6-январда болгондой мөөнөтү аяктап бараткан президент Дональд Трамптын тарапташтары Капитолийди ээлеп алгандай окуялар орун албашы үчүн коопсуздукка көңүл бурууда.

Ондон ашуун штаттын губернаторлору Улуттук гвардияны жергиликтүү укук коргоо органдарына көмөктөшүүгө чакырышты. Мэриленд, Нью-Мексика жана Юта губернаторлору өзгөчө абал жарыялашты.

Адатта Вашингтондун адамдарга толуп турчу көчөлөрү ээнсиреп калганын маалымат булактары жазышты. Капитолий учтуу шиши бар зым менен оролууда. Баш калаада коопсуздукка Улуттук гвардиянын 20 миң аскери көз салмакчы.

Президенттик шайлоодо жеңип чыккан Жо Байдендин инаугурациясы 20-январда болот.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG