Линктер

ЧУКУЛ КАБАР!
1-Август, 2021 жекшемби, Бишкек убактысы 01:52

Учак билеттеринин баасы иликтенүүдө


«Манас» эл аралык аэропорту.

Экономикалык кылмыштуулукка каршы күрөш боюнча мамлекеттик кызмат (Финансы полициясы) Орусияга учак билеттеринин негизсиз көтөрүлүп кетиши боюнча текшерүү иштерин жүргүзүүдө. Бул тууралуу мекеменин басма сөз кызматы кабарлады.

Тиешелүү иш-чаралардын жүрүшүндө Финансы полициясы текшерүү максатында Бишкек шаарындагы авиакассалардын бирине кайрылып, Бишкек-Москва багыты боюнча 67 800 сомдук авиабилет сатып алды.

Анда учуунун наркы туроператор тарабынан жасалма жол менен көтөрүлгөнү аныкталды, ал жогорку суроо-талаптан пайдаланып, авиабилеттердин наркын мыйзамсыз жогорулаткан.

Бул факт Кылмыштар менен жоруктардын бирдиктүү реестрине катталып, сотко чейинки териштирүү башталды.

Тиешелүү авикомпаниялар комментарий бере элек.

Орусияга учак билеттеринин кымбат сатылып жатканы бир нече айдан бери айтылып келген.

Буга чейин кыргыз тарап Орусияга кайрылып, билеттердин баасын жөнгө салууну суранган. (BCh)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG