Линктер

ЧУКУЛ КАБАР!
26-Сентябрь, 2021 жекшемби, Бишкек убактысы 03:39

Статком: Аялдарга карата кылмыштар көбөйдү


Татьяна Зеленскаянын иллюстрациясы.

Улуттук статистика комитети 2019-жылдагы аялдарга карата жасалган кылмыштардын жыйынтыгын чыгарды.

Комитет 2020-жылга карата катталган кылмыш иштери азыркы тапта такталып, изилденип жатканын «Азаттыкка» маалымдады. 2019-жылы 4,4 миң кылмыш жасалып, 2018-жылга салыштырмалуу 14% көбөйгөн.

2018-жылга салыштырмалуу адам уурдоо 2,3 эсе, зордуктоо 2,1 эсе, киши сатуу эки эсе көбөйгөн. 2019-жылы аялдарды мажбурлап никеге тургузууга байланыштуу 24 кылмыш иши козголуп, диний ырым-жырымдар менен нике жашына жетпеген курактагы кыздарды никеге мажбурлоо боюнча 11 кылмыш иши ачылды.

2019-жылы үй-бүлөлүк зомбулуктан жабыркаган 7 818 адам кризистик борболорго кайрылган, алардын 85% 18-34 жаш курагындагы аялдар.

Аялдарга карата кылмыш кылгандардын басымдуу бөлүгүн эркектер түзөт. Буга чейин 2020-жылы үй-бүлөлүк зомбулук 65% көбөйгөнү айтылып келген. Жыл башынан бери бир нече аял зомбулуктун курмандыгы болду. (BCh)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG