Линктер

ЧУКУЛ КАБАР!
18-Сентябрь, 2021 ишемби, Бишкек убактысы 05:18

Мишустин Мариповду куттуктап, ЕАЭБ интеграциясына ишенерин билдирди


Михаил Мишустин.

Орусия Кыргызстандын жаңы өкмөтү Евразия экономикалык биримдигинин (ЕАЭБ) алкагындагы өз ара интеграцияны тереңдетерине ишенет. Бул тууралуу орус өкмөтүнүн башчысы Михаил Мишустин премьер-министр Улукбек Мариповго жөнөткөн куттуктоо катында билдиргенин кыргыз тарап 4-февралда кабарлады.

Өкмөттүн маалымат кызматы билдиргендей, Мишустин Мариповду премьер-министр болуп дайындалышы менен куттуктап, “Сиздин ишмердүүлүгүңүз эки тараптуу соода-экономикалык, инвестициялык жана илимий-техникалык мамилени, ЕАЭБ алкагындагы интеграциялык өз ара кызматташтыкты мындан ары тереңдетүүгө өбөлгө түзөрүнө ишенем" деп айтты.

Ошону менен катар орус өкмөтүнүн башчысы Мариповго жооптуу кызматта ийгилик каалады.

Кыргызстанда 3-февралда өкмөттүн жаңы башчысы, курамы, түзүмү жана программасы бекиди.

ЕАЭБ 2010-жылы Беларустун, Казакстандын жана Орусиянын Бажы биримдиги катары түзүлгөн. Кийин 2015-жылы ага Армения менен Кыргызстан кошулган. Соңку жылдары ЕАЭБге мүчөлүк Кыргызстанга пайда алып келбегени тууралуу пикирлер парламентте айтылып, уюм ичиндеги пикир келишпестиктер жөнүндө өкмөт да билдирген. (RK)

XS
SM
MD
LG