Линктер

ЧУКУЛ КАБАР!
26-Февраль, 2021 жума, Бишкек убактысы 09:55

Марипов: Күн карама майынын баасы 163% кымбаттады


Улукбек Марипов

Премьер-министр Улукбек Марипов 16-февралда «Фейсбуктагы» баракчасынан түз эфирге чыгып, Кыргызстандагы азык-түлүктүн кымбатташына байланыштуу суроолорго жооп берди.

Өкмөт башчынын сөзү боюнча, күн карама майынын литри акыркы алты айда эле 163% кымбаттаган.

Ушул тапта базарларда мурда 90 сомдон сатылган күн карама майынын литри 150 сомго чыкты. 5 литрлик май буга чейин 450 сом турса, азыр ал 650-700 сомдон сатылып жатат.

«Күн карама майы эттин, күрүчтүн баасы жана башка социалдык маанидеги азык-түлүктүн баасы былтыр пандемия башталгандан бери кымбаттады», - деди премьер-министр.

Марипов өкмөттө буга байланыштуу жыйын болуп, бааларды түшүрүү боюнча маселе талкууланганын айтты.

Улуттук статистикалык комитеттин маалыматына ылайык быйыл январь айында 2020-жылдын декабрына салыштырмалуу керектөөчү баалар жалпысынан өлкө боюнча 1% көтөрүлдү. Азык-түлүк, алкоголсуз суусундуктардын баасы 1,7% кымбаттады. (BTo)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG