Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 09:40

Сооронкулова, Касенов, Абакиров Бишкек шаардык кеңешке бирге аттанышат


Элдар Абакиров, Клара Сооронкулова, Аймен Касенов. (солдон оңго карай)

Бишкек шаардык кеңешине шайлоодо ат салышуу үчүн үч партия биригүүдө. Алар – “Реформа”, “Адилеттүү Кыргызстан” жана “Асман-Ала Тоо” партиялары.

Биригип жаткан үч саясий уюмдун лидерлери Клара Сооронкулова, Аймен Касенов жана Элдар Абакиров январдагы президенттик шайлоодо талапкер болушкан.

Шаардык кеңешке шайлоо алдындагы биригүү тууралуу Сооронкулова “Азаттыкка” төмөнкүчө маалымат берди:

“Байкап көрсөк, шайлоого катышууну көздөгөн партиялар көп жана саясий атаандаштык күчтүү экен. Ошондуктан, прогрессивдүү күчтөр биригели деп чечтик”.

Үч партия меморандумга 18-февралда Бишкектеги “Достук” конок үйүндө кол коюшат. Саясий топ ачык болот, эгер көз караштар, идеялар төп келсе башка партиялар да кошулса болот, бирок эски саясатчылар кошулбайт, дешет саясатчылар.

Бишкек шаардык кеңешине шайлоо 11-апрелде болот. Аймактык шайлоо комиссиясынын 17-февралдагы маалыматына ылайык саясий өнөктүккө азырынча 10 партия ат салышуу ниетин билдирди.

Шаардык кеңеш 45 мандаттан турат. Шайлоого саясий партиялар катышып, утуп чыккандары 4 жыл иштейт.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG