Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 03:15

УКМК расмий сайтын бузууга аракет кылган адамды аныктаганын билдирди


Иллюстрациялык сүрөт.

47 жаштагы жаран Улуттук коопсуздук боюнча мамлекеттик комитеттин (УКМК) сайтын бузууга аракет кылган деп шектелүүдө. Бул тууралуу мекеменин басма сөз кызматы кабарлады.

Тергөөнүн баштапкы маалыматына ылайык, шектүүнүн техникалык аппараттарында ал мыйзамсыз ишке катыштыгы бар экени аныкталган. Бул факт Жазык кодексинин 304-беренеси («Компьютердик маалыматка укук ченемсиз жетүү») жана 305-беренеси («Зыян келтирүүчү компьютердик программаларды түзүү») боюнча Кылмыштардын жана жоруктардын бирдиктүү реестрине катталып, сотко чейинки териштирүү башталды.

Атайын кызмат бул беренелер менен күнөөлүү деп табылган жаран 1800-3000 сом айып төлөй турганын, же эки жарым жылдан беш жылга чейин соттолоорун эскертти.

УКМК маалыматта өзүнүн расмий сайтынын дарегин көрсөткөн эмес. Ал эми kattar.kg порталында атайын кызматтын сайты gknb.gov.kg деп жазылып турат. Бирок бул интернет дарек ачылган жок.

Кыргызстанда мамлекеттик органдардын расмий сайттарын хакерлер бузуп салган учурлар көп эле катталат. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG